Tanzania: Inzego z'ubuzima muri Tanzania zatangaje ko mu ntara ya Kagera mu karere ka Bukoba hadutse indwara itaramenyekana ikaba imaze guhitana abantu batanu abandi babiri barembeye mu bitaro.
Chief Editor
0
yasuwe 54
Itangazo ryasohowe na Leta rikaba rya sinyweho n'umuganga mukuru wa Leta Dr Tumain J. Nangu, rivuga ko mu ntara Kagera mu karere ka Bukoba mu duce twa Maruku na Kanyangereko hadutse indwara itaramenyekana.
Iryo Tangazo rivuga ko iyo ndwara ifata umuntu agatangira kugira umuriro, kuruka, kuva amaraso mu myanya itandukanye y'umubiri ndetse no kudakora kw'impyiko.
Kugeza ubu abantu batanu nibo bamaze guhitanwa n'icyo cyorezo ni mugihe abandi babiri barembeye mu bitaro.
Ibizamini byafashwe kuri abo bantu bitabye Imana, byahise bijyanwa muri laboratory kugirango basuzume bamenye iyo ndwara.
Iryo tangazo risoza risaba ko abaturage bakwirinda kuko iyo ndwara ishobora kuba yandura byihuse.
Bagabo John
