Umuyobozi wa karere ka Ngoma Madamu Niyonagira Nathalie, yavuze ko intandaro y'akarere ka Ngoma kuba kataresheje imihigi ngo byaturutse ku mitangire mibi ya Service yagaragaye muri ako karere.
Chief Editor 
Mu kiganiro kigufi Mayor Nathalie yagiranye n'ikinyamakuru Rubanda, yavuze ko impamvu akarere ka Ngoma katesheje imihigo nkuko bikwiye, harimo ikibazo kijyanye n'imitangire mibi ya Service kandi mu byo basuzuma bigahabwa amanota mu mihigo nayo irimo
Ati" Mubyukuri icyatumye tutesa imihigo ku kigero gishimishije byaturutse ku kibazo kijyanye n'imitangire mibi ya Service yagaragaye kuko iyo basuzuma imihigo haba harimo no kureba imitangire ya Service uburyo itangwamo, rero urebye nicyo cyatumye tu tesa imihigo ku kigero gishimishije".
Mayor Nathalie yavuze ko ubu bagiye kujya mu ngamba bakareba ahantu hose bitagenze neza bakahakosora kuburyo ubutaha ba zesa imihigo neza.
Akarere ka Ngoma kagize Amanota 79,00%
Mayor yashimiye abafatanya bikorwa batandukanye bo mu karere ka Ngoma abasaba gukomeza ubwo bufatanye arinako barushaho guteza imbere abaturage bo mu karere ka Ngoma.
Akarere ka Ngoma kabaye aka 10 mu kwesa imihigo aho kagize amanota 79,00%
Mu mihigo yo muri 2014-2015 Akarere ka ngoma kari kabaye aka kabiri na manota Ngoma:81%
Bagabo John
