Munyaneza Didier uzwi nka Mbappé, usanzwe ukinira Inovotec, hamwe Ingabire Diane ukinira Canyon/SRAM Generation yo mu Budage, ku munsi wambere wirushanwa ry'amagare rizwi nka Kirehe Race, nibo begukanye iri rushanwa.
Chief Editor 
Ni isiganwa ngarukamwaka ribaye ku nshuro ya ryo ya Kabiri. Ritegurwa n’Akarere ka Kirehe gatafatanyije n’Ishyirahamwe ry’Umukino wo gusiganwa ku Magare mu Rwanda, Ferwacy.
Aba bageze aho irishanwa ryasorezwaga bayobowe na Nshutiraguma Kevin wa Cine Elmay, hanyuma mu bakobwa uwitwa Ingabire Diane wa Canyon/SRAM yo mu Budage, aba ariwe uba uwambere ni mu gihe Munyaneza Didier Mbappé yahagitse bagenzi be mu bagabo bakuru.
Munyaneza Didier uzwi nka Mbappé niwe wegukanye Kirehe Rice
Naho mu bangavu Charlotte wa Bugesera Women Cycling Team, niwe wabaye uwambere.
Abagabo n’abatarengeje imyaka 23, bakoze ibilometero 135, ingimbi n’abakobwa bakora ibilometero 85 mu gihe abangavu bakoze 69.
Muri buri cyiciro, hagiye hahembwa umukinnyi umwe. Ku Cyumweru tariki ya 30 Nzeri 2023, hazakinwa umunsi wa nyuma w’iri siganwa aho abakinnyi bazazenguruka Umujyi wa Kirehe.
Ingabire Diane niwe wahize abandi mu bakobwa
Biteganyijwe ko abatarabigize umwuga bazazenguruka inshuro eshatu zingana n’ibilometero 11.7, abangavu bazenguruke eshanu zingana n’ibilometero 19.5, ingimbi n’abagore bakuru bo bazazenguruka umunani zinagana n’ibilometero 31.2
Mu gihe abagabo bakuru n’abatarengeje imyaka 23 bazazenguruka eshanu zingana n’ibilometero 69.5 ariko bo bakazanagera ku mupaka wa Rusomo.
Ni isiganwa rizatangira Saa Mbili za mu gitindo, bakazahera ku Biro by’Akarere ka Kirehe.
Bagabo John
