Hari abadepite 19 birukanywe mu ishyaka rya CHADEMA bakomeza kuba mu nteko kandi bitemewe, bazwi kwizina rya Covid 19, kuko nabo ngo n'icyorezo. Basabiwe kwirukanwa nubwo urubanza rwabo rukiri mu nkiko.
Chief Editor 
Umuyobozi uhagarariye urubyiruko mu Ishyaka rya CHADEMA, John Mnyika, yasabye abaturage bari bitabiriye imyigaragambyo yateguwe niryo shyaka ubwo bari mu Ntara ya Mwanza kuri uyu kane tariki ya 15 Gashyantare 2024, ko bahamagara kuri Telefone Perezida w'Inteko Dr Tulia Ackson Mwansasu, bakamusaba ko yakwirukana abo badepite 19 bazwi nka Covid 19.
Yagize ati" Bariya badepite 19 bari mu Nteko mu buryo bunyuranyije n'amategeko, rero buri wese urihano ndagirango ahamagare Perezida w'inteko Dr Tulia Ackson amusaba ko abo badepite bakwiye kwirukanwa., reka mbahe nomero ze kuko buri muyobozi wese ategetswe kwitaba umuturage akumva ikibazo afite, uku niko bimeze kuko na nomero z'umugaba w'ingabo ziba zizwi ku buryo umuturage ashobora ku muhamagara."
Abadepite 19 bazwi nka Covid 19 basabiwe kwirukanwa mu nteko
Uwo muyobozi yahise atanga izo nomero maze abaturage basanga ari iza Dr Tulia Ackson kuko zibaruye ku mazina ye ya Tulia Ackson Mwansasu.
Abo badepite 19 Ishyaka CHADEMA ryabirukanye ribashinja ubugambanyi ariko ntabwo bigeze birukanwa mu Nteko kuva mu matora yo muri 2020.
Perezida w'inteko Ishinga Mategeko ya Tanzania Dr Ackson Tulia
CHADEMA, yahise itanga ikirego mu urukiko basaba ko abo badepite bakwirukanwa kuko ishyaka ryamaze kubirukana bityo ko badakwiye kuba abadepite kandi ntashyaka babarizwamo ndetse bakaba batanahagarariye ibyiciro byihariye mu nteko, urubanza nubu ntabwo rurarangira nubwo umwaka utaha bazaba barangije manda y'imyaka itanu batorewe.
Bagabo John
