Nyuma yaho ikipe ya APR ibuze itike yo kwerekeza mu matsinda ya CAF Champions League Cup isezerewe na Pyramids yo mu Misiri iyitsinze ibitego 6-1 Rayon Sports nayo yanze gutatira igihango maze yemera gusigara itsinzwe kuri penaliti 4-2 na Al-Hilal mu mukino w'Ijonjora rya Kabiri rya CAF Confederation Cup.
Chief Editor 
Kuri uyu wa Gatandatu tariki ya 30 Nzeri 2023 kuri Kigali Pelé Stadium ikipe ya Rayon Sports yakiriye ikipe ya Al Hilal Benghazi yo muri Libya mu mukino wo kwishyura, umukino ubanza wari wabaye mu cyumweru gishize kuri Kigali Pelé Stadium yari yarangiye amakipe yombi anganya igitego 1-1.
Iyi kipe ya Rayor Sports ikunze kwitwa Gikundiro, ntabwo byayihiriye kuko yanze gutatira igihango ifitanye na mucyeba wayo wbihe byose APR Fc cyo kudasohokera igihugu maze itsindirwa kuri Penaliti 4-2
Ikipe ya Rayon Sports yabuze itike yo kujya muamatsinda ya CAF Confederation Cup, nyuma yo gutsindwa na Al Hilal Benghazi penaliti 4-2 nyuma y’uko igiteranyo cy’imikino cyabaye ibitego 2 kuri 2.
Rayon Sports niyo yabanje gutera penaliti maze, Kalisa Rashid ayitera mu biganza by’umuzamu.
Al Hilal Benghazi yakurikiyeho maze, umukinnyi wayo ayitera neza, Adolphe umuca mu kwaha.
Rayon Sports yagiye gutera penaliti ya 2, maze Mugisha Master ayitera hejuru y’izamu .
Mu gihe Al Hilal Benghazi yo yinjije penaliti yayo ya 2.
Nsabimana Aimable yateye penaliti ya 3 ya Rayon Sports arayinziza. Penaliti ya 3 ya Al Hilal Benghazi yatewe neza, maze ziba zibaye 3-1.
Charles Bbaale wa Rayon Sports yateye penaliti ya 4 ya Rayon Sports arayinjiza.
Al Hilal Benghazi yaje kwinjiza penaliti yayo ya 4, Rayon Sports iba isezerewe kuri penaliti 4-2, iba ibuze itike ijya mu matsinda ya CAF Confederation Cup iherukamo muri 2018.
Urugendo rwa Rayon Sport na APR Fc rwo gukomeze mu bindi byiciro rukaba rwangiye igisigaye ari ukugutegura shampiona bagategereza umwaka uta wa 2024
Bagabo John
