Nibura abantu 46, bakekwa ko ari abimukira, basanze bapfiriye mu gikamyo cyatawe mu nkengero za San Antonio, muri Texas. Ushinzwe kuzimya umuriro yavuze ko abantu 16, barimo abana bane, bajyanywe mu bitaro.
Chief Editor 
Umuyobozi mukuru wa San Antonio, Charles Hood, yavuze ko imbangukira gutabara zageze aho ahagana mu ma saa kumi n'ebyiri z'umugoroba (23h00 GMT) nyuma yo kwakira amakuru y’umuntu wapfuye.
Nk’uko televiziyo ya KSAT ibivuga, iyi modoka yavumbuwe hafi ya gari ya moshi mu majyepfo y'uburengerazuba bwa San Antonio.
Umuyobozi wa Polisi muri San Antonio, William McManus, yatangaje ko ubu iperereza ryashyikirijwe guverinoma kandi ko abantu batatu bafunzwe mu gihe iperereza rigikomeje.
Minisitiri w’ububanyi n’amahanga wa Mexico, Marcelo Ebrard, yatangaje ko ambasaderi muri iki gihugu yagiye kureba ahabereye ayo mahano.
Abinjira n'abasohoka ni ikibazo cya politiki kitavugwaho rumwe muri Amerika, aho umwaka ushize umubare munini w'abimukira badafite ibyangombwa babujijwe kwambuka berekeza muri Mexico - benshi bagenda mu nzira ziteje akaga kandi zidafite umutekano.
Ikirere cya San Antonio kirashyuha mu mezi yizuba kandi ubushyuhe bwaho bwageze kuri 39.4C (103F)
Bagabo John
