Kuri uyu wa Gatandatu, tariki ya 11 Ukwakira 2025, Ishyaka Riharanira Demokarasi no Kurengera Ibidukikije mu Rwanda (Democratic Green Party of Rwanda) ryakomeje ibikorwa byaryo byo gukangurira abaturage politiki no kubahugura, rikaba ryabikoreye mu Karere ka Rutsiro, mu Ntara y’Iburengerazuba.

Ibi bikorwa byari bigamije kongerera ubushobozi urubyiruko n’abagore binyuze mu mahugurwa ndetse no gushinga inzego nshya z’ishyaka ku rwego rw’akarere.

Ibi bikaba bikurikiye ibikorwa byari byabaye mu Ntara y’Amajyaruguru n’iy’Iburasirazuba, nabyo byagenze neza.

Ishyaka ryatangaje ko ibi bikorwa bigamije gushimangira uruhare rw’abaturage ku rwego rw’ibanze, no guteza imbere imyifatire iganisha ku miyoborere ishingiye ku bufatanye n’ubwisanzure mu gutanga ibitekerezo.

Intego yaryo rusange ni ukugera ku rwego rwo kugira icyicaro gihamye mu turere twose 30 tugize u Rwanda, kugira ngo hatagira umuturage usigara inyuma mu rugendo rwo kugera ku iterambere rirambye n’imiyoborere ya demokarasi.

Aya muhugurwa n'inama bikaba byafunguwe ku mugaragaro  na Senateri Mugisha Alex usanzwe ari Komiseri mukuru mu ishyaka.

abitabiriye inama barahabwa amahugurwa ku miyoborere, Demokarasi, Ubumenyi mu kurengera ibidukikije, kwiteza imbere n’ibindi. Iyi nama yitabiriwe n’abayobozi b’ishyaka ku rwego rw’igihugu no mu nzego zitandukanye z'ishyaka.

Bagabo John 

Kuri uyu wa Gatandatu, tariki ya 11 Ukwakira 2025, Ishyaka Riharanira Demokarasi no Kurengera Ibidukikije mu Rwanda (Democratic Green Party of Rwanda) ryakomeje ibikorwa byaryo byo gukangurira abaturage politiki no kubahugura, rikaba ryabikoreye mu Karere ka Rutsiro, mu Ntara y’Iburengerazuba.

Ibi bikorwa byari bigamije kongerera ubushobozi urubyiruko n’abagore binyuze mu mahugurwa ndetse no gushinga inzego nshya z’ishyaka ku rwego rw’akarere.

Ibi bikaba bikurikiye ibikorwa byari byabaye mu Ntara y’Amajyaruguru n’iy’Iburasirazuba, nabyo byagenze neza.

Ishyaka ryatangaje ko ibi bikorwa bigamije gushimangira uruhare rw’abaturage ku rwego rw’ibanze, no guteza imbere imyifatire iganisha ku miyoborere ishingiye ku bufatanye n’ubwisanzure mu gutanga ibitekerezo.

Intego yaryo rusange ni ukugera ku rwego rwo kugira icyicaro gihamye mu turere twose 30 tugize u Rwanda, kugira ngo hatagira umuturage usigara inyuma mu rugendo rwo kugera ku iterambere rirambye n’imiyoborere ya demokarasi.

Aya muhugurwa n'inama bikaba byafunguwe ku mugaragaro  na Senateri Mugisha Alex usanzwe ari Komiseri mukuru mu ishyaka.

abitabiriye inama barahabwa amahugurwa ku miyoborere, Demokarasi, Ubumenyi mu kurengera ibidukikije, kwiteza imbere n’ibindi. Iyi nama yitabiriwe n’abayobozi b’ishyaka ku rwego rw’igihugu no mu nzego zitandukanye z'ishyaka.

Bagabo John