Kuri uyu wa Mbere tariki ya 31 Werurwe 2025 nibwo muri Tanzania basoje igisibo gitagatifu cya Mwezi Ramadhan, Perezida Samia Hassan Suluhu akaba yashimiye Imana ibashoboje gusoza iki gisibo ndetse anayisaba ko yakomeza kubaha ubumwe n'urukundo ikabarinda ikintu cyose cyatuma bacikamo ibice.
Chief Editor 
Perezida Samia Hassan yitabiriye isengesho ryo gusoza igisibo ku rwego rw'Igihugu ryabereye ku musigiti w'Umwami VI (BAKWATA) mu murwa mukuru Dar es Salaam ahitwa Kinodoni.
Samia yabanje kwifuriza umunsi mukuru mwiza wa al-Fitr.
Yagize Ati" Mbifurije mwese umunsi mwiza wa al-Fitr, Imana igira imbabazi nyinshi yaduhaye Imigisha yo gusoza neza iki gisibo cya Mwezi Ramadhan".
Perezida Samia yakomeje asaba Imana gukomeze guha igihugu ubumwe n'amahoro.
Ati" reka twishimane mu Mahoro , Ubumwe Urukundo n'Umutuzo, reka dukomeze Gusenga no gusaba Imana gukomeze guha igihugu cyacu ubumwe Amahoro ndetse anadukingire ibintu byose bigamije kuducamo ibice".
Muri EAC kuri uyu wambere wari umunsi w'ikiruhuko bitewe no kwizihiza umunsi wa al-Fitr
Bagabo John
