Perezida wa Tanzaniya, Samia Suluhu Hassan yazamuye mu ntera bamwe mu basirikare bakuru abaha n'inshingano zitandukanye mu ngabo.
Chief Editor 
Perezida wa Tanzaniya, Samia Suluhu Hassan yazamuye mu ntera Jenerali Majoro Jacob John Mkunda, amuha ipeti rya Generali ahita anamugira umugaba mukuru w'ingabo.(CDF)
Ibi byabaye kuri uyu wa gatatu, 29 Kamena 2022 aho biteganijwe ko kurahira kwa CDF Kakunda bizaba ejo ku wa kane tariki ya 30 Kamena saa moya z'umugoroba.
Generali Jacob John Mukunda yagizwe umugaba mukuru w'ingabo za Tanzania
Mbere yo kuzamurwa mu ntera ndetse no guhabwa inshingano nshya, Kakunda yari umuyobozi w'ishami rishinzwe ibikorwa n'amahugurwa ku cyicaro gikuru cy'ingabo.
Perezida Samia yazamuye kandi jenerali majoro Salum Haji Othman ku mwanya wa Liyetona Jenerali maze amugira umuyobozi mu kuru mu ngabo.
Ubusanzwe Jenerali Majoro Othman yari Komiseri ushinzwe ubushakashatsi n’iterambere rya gisirikare muri minisiteri y’ingabo.
Perezida yashyizeho Liyetona Jenerali Mathew Edward Mkingule nka Ambasaderi aho mbere yarasanzwe ari umuyobozi w'ingabo.
Generali Mabeyo wari Umugaba mukuru w'ingabo za Tanzania yagiye mu kiruhuko kizabukuru
Uwari uzanzwe ari umugaba mukuru w’ingabo Jenerali Venance Mabeyo biteganijwe ko azasezera ku mugaragaro ejo, akajya mu kiruhuko ki zabukuru ni nyuma yaho yaramaze imyaka irindwi ari Umugaba mukuru w'ingabo za Tanzania
Bagabo John
