Pasiteri Zigirinshuti Michel usengera muri ADPR yavuze ko hariho bamwe mu basore bazagushakira abagini mu rusengero nyamara bafite indi Misiyo itari nziza.
Chief Editor 
Ibi Pasiteri Zigirinshuti Michel yabitangarije umwe mu miyoboro ya YouTube ubwo yagarukaga ku ngingo zijyanye n'ingo ziki kihe uburyo zitakimara kabiri.
Ati" Ubu hanze ntabwo wahabona umukobwa uzavamo umugeni bose byararangiye ahasigaye ni mu rusengero, gusa ikibabaje nuko usanga abasore baza gushakira abageni mu rusengero arinabo baba bararangije abakobwa bohanze".
Aha Michel yakomoje ku bakobwa babona umusore rimwe gusa uri mu modoka wenda ya nayitiye afite umuba w'imfunguzo hanyuma umukobwa akajya mu bicu agatangira ku mubwira uburyo bazahita bamwakira mu itorero bagahita biga amezi atatu y'umubano bagahita bashyingirwa.
Pasiteri Zigirinshuti Michel
Pasiteri Michel yavuze ko ibyo avuga abifiteho ubunararibonye, ati" ibyo mvuga mbifiteho inararibonye aho umukobwa akundana n'umusore amezi atandatu bagahita bakora ubukwe, yagera murugo batana twikurura umusore akabwira umugeni ngo reka nkwereke uwo ndiwe. agahita akura icupa ry'inzoga munsi y'igitanda agatangira kunywa agafata n'isigara agatangira gutumagura imyotsi inyura mu mazuru no mu kanwa kuburyo hari bamwe mu bakobwa bahita bagira ihungabana kandi atari butahe, aha niho ujya kumva ngo rwarugo rw'ababageni rwasenyutse batamaranye kabiri bitewe nuko umusore yaje kurambagiza umukobwa mu rusengero afite Misiyo yo ku mwicira ejo he hazaza".
Zigirinshuti muri icyo kiganiro yagiriye inama abakobwa kujya babanza gushishoza ku musore uje ku murambagiza kuko harimo abaza bafite indi Misiyo kandi itari myiza ugasanga umukobwa atangiye kwicuza kandi bitagishobotse.
Bagabo John
