Polisi y'u Rwanda yaraye ishyize mu kiruhuko kizabukuru abapolisi 155 barimo na Dr CP Nyamwasa Daniel usanzwe uyubora ibitaro bya Kacyiru Ni Umuhango wabaye kuri uyu wa Kabiri tariki ya 13 Nzeri 2022
Ni umuhango wayobowe na Minisitiri w’Umutekano w'imbere mu gihugu Gasana Alfred, ndetse n'Umuyobozi Mukuru wa Polisi y’u Rwanda, IGP Dan Munyuza ari kumwe n’abayobozi bakuru bungirije ba Polisi; DIGP Felix Namuhoranye ushinzwe ibikorwa na DIGP Jeanne Chantal Ujeneza, ushinzwe imiyoborere n’abakozi.
Mubasezerewe harimo Abakomiseri (CP) babiri; Joseph Zikama Mugisha wari umuyobozi ushinzwe igenamigambi no guhuza ibikorwa mu kigo cyo mu Karere gishinzwe imicungire y’imbunda ntoya n’amasasu (RECSA) na Dr. Daniel Nyamwasa, usanzwe ari umuyobozi w’ibitaro bya Kacyiru.
Abapolisi 155 nibo bagiye mu kiruhuko ki zabikuru
Mubandi basezerewe harimo Abari bafite ipeti rya Assistant Commissioner of Police (ACP) ni Benoit Sindayiheba Kayijuka wari umuyobozi w’Ishami rishinzwe gukoresha imbwa zifashishwa mu gucunga umutekano (Canine Brigade), na Jean Baptiste Ntaganira, wari umuyobozi w’ishami rya Polisi rishinzwe ibizamini n’impushya zo gutwara ibinyabiziga.
Minisitiri w'Umutekano Alfred Gasana
Minisitiri Gasana yasabye abasezerewe muri Polisi gukomeza gukorana bya hafi na Polisi y’u Rwanda ndetse n’abaturage, mu bikorwa by’iterambere no kubungabunga umutekano n’ituze rusange baharaniye.
Bagabo John