Umuyobozi w'ishyaka riharanira Demokarasi nokurengera ibidukikije DGPR Hon Dr Frank Habineza yasabye abarwanashyaka bitabiriye Congress mu karere ka Musanze, guharanira indangagaciro no kugira uruhare mu kwimakaza ihame rya Demokarasi.
Chief Editor 
Kuri uyu wa Gatanu, tariki ya 18 Nyakanga 2025, Ishyaka riharanira Demokarasi no Kurengera Ibidukikije mu Rwanda (Democratic Green Party of Rwanda) ryakoze Congress yahuje abanyamuryango b’iri shyaka baturutse mu turere dutanu tugize Intara y’Amajyaruguru, aritwo Musanze, Gakenke, Rulindo, Gicumbi na Burera.
Muriyo Congress bamwe mubakomiseri batanze ibiganiro bitandukanye byagarukaga mu kwibutsa indangagaciro ndetse n'amahame y'ishyaka rya DGPR.
Ikiganiro cyatanzwe na Komiseri Mukamurigo Josiane, Ushinzwe Ububanyi n'amahanga yibukije Abarwanashyaka ba DGPR ko gukunda igihugu ari ingenzi ndetse ko bakwiye kugaragaza ibitekerezo byabo bakoresheje imbugankoranyambaga
Naho Komiseri Mwiseneza JMV, yatanze ikiganiro kigaruka ku mavu n’amavuko, amahame n’imikorere biranga ishyaka DGPR Green Party. anagaruka ku mahame ya demokarasi no kongera bimwe mu bikorwa byagezweho habayeho ubuvugizi bwa DGPR mu gukomeza iterambere n’imibereho myiza y'abaturage
Ubwo Perezida w'Ishyaka Hon Dr Frank Habineza yatangizaga amatora. Mu ijambo rye yashimiye abarwanashyaka kubwo kwitabira Congress y’ishyaka anabasaba kugumya guhanira indangagaciro no kugira uruhare mu kwimakaza ihame rya demokarasi.
Bamwe mu barwashyaka ba DGPR baganiriye na Rubanda, bavuze bishimira kuba ishyaka ryabo rigira uruhare mu iterambere ry'igihugu ndetse banavuga ko bishimiye abayobozi bitoreye mu byiciro bitandukanye bibahagarariye.
Bagabo John
