Umukandi ku mwanya wa Perezida Martin Fayulu yavuze ko amatora muri rusange yagenze neza ariko hakaba hari hamwe mubice byagaragayemo imvururu mu ba mushyigikiye ndetse avuga ko ataza kwemera ibivuye mu matora, ni mugihe Moise Katumbi yavuze ko yizeye intsinzi.
Chief Editor 
Martin Fayulu ubwo yari amaze gutora mu mujyi mukuru wa Kinshasa, mu kiganiro yahise agirana n'itangazamakuru yavuze ko amatora yagenze neza ariko hari hamwe mubice hagaragaye imvururu.
Ati" Muri rusange amatora yagenze neza ariko hari bimwe mubice by'umwihariko ibyicaro hagaragaye imvururu, mu bantu bange bariho bakurikirana itora bambwiye ko ibintu bitifashe neza."
Fayulu yahishuye ko ashobora kutaza kwemera ibyavuye mu Matora mugiye haba hari abantu batabashishe gutora.
Martin Fayulu
Ni mugihe undi mu kandida ku mwanya wa Perezida Moise Katumbi watoreye i Lubambashi yavuze ko yizeye intsinzi ndetse anasaba abayoboke be kuba Maso
Moise Katumbi
Ati" tugomba kuba maso tugakurikira ibiva mu ibarura ry'amajwi kandi amajwi turi bwemere ayavuye kuri Site zose zitora mu gihugu, ariko ndagirango mbizeze intsinzi ".
Bagabo John
