Perezida wa Kenya William Ruto yavuze ko biteye isoni n'ikimwaro kubona Raila Odinga na Uhuru kenyatta, bavuga ngo barunamira abaguye mu myigaragambyo kandi aribo bayiteguye bityo ko bakwiye gusaba imbabazi Abanyakenya.
Chief Editor 
Kuri uyu wa 28 Nyakanga 2023 ubwo Perezida Ruto yari yasuye agace kitwa Malindi mu intara ya Kilifi, yasabye batavuga rumwe n'ubutegetsi gusaba imbabazi igihugu kubera imyigaragambyo bateguye igahitana inzirakarengane ndetse n'imitungo ya Rubanda ikahatikirira.
Perezida Ruto yavuze ko abayobozi b'ishyaka rya Azimio la Umoja ndetse na Perezida Kenyatta ucyuye igihe ko atari abizerwa kubona bavuga ngo baraha agaciro abaguye mu myigaragambyo nyamara aribo bayiteguye.
Ruto yavuze ko Polisi itazihanganira buri wese uzashaka guhungabanya umutekano n'ituze rya Rubanda kuberako ari inshingano z'inzego z'umutekano.
Uhuru kenyatta na Raila Odinga
Ibinyamakuru byo muri Kenya bimaze iminsi byandika ko hategerejwe abahuza hagati ya Perezida Ruto na Raila Odinga kugirango harebwe uburyo hashyirwa iherezo ku mvururu zimaze iminsi zihitana ubuzima bw'abaturage binzirakarengane.
Bagabo John
