Mussa Azzan Zungu ni we watorewe kuyobora Inteko Ishinga Amategeko ya 13, nyuma yo kubona amajwi 378 mu majwi 383 yatowe n’abadepite bitabiriye inama . Aya matora yabereye mu nama ya mbere y’Inteko Ishinga Amategeko ya 13, yabaye kuri uyu wa kabari tariki 11 Ugushyingo 2025.
Chief Editor 
Ishyaka riri kubutegetsi Chama Cha Mapinduzi (CCM), ryatoreye Zungu kuba Perezida w’Inteko Ishinga Amategeko, asimbuye Dr. Tulia Ackson wari usanzwe afite uwo mwanya, mbere y'amatora y'abadepite na y'umukuru w'igihugu aherutse.
Zungu yahigitse abandi bakandiba batanu barimo Charles Tyeah w'ishyaka rya NFA utabashije kubona ijwi na rimwe ndetse na Anitha Alfan w'ishyaka NLD wabonye ijwi rimwe, Ndoge Said w'ishyaka AFP nawe yabonye ijwi rimwe hamwe na AminAlfred Yango w'ishyaka ADC nawe utabonye ijwi narimwe. Visi Perezida w’Inteko hatowe Daniel Sillo.
Uyu Perezida w'Inteko watowe yari asanzwe yungirije Dr Aksoni Tulia uherutse gukuramo kandidatire ye kumpamvu atigeze atangaza.
Mu mateka ya Tanzania, bamwe mu bayoboye Inteko Ishinga Amategeko barimo:
Adam Sapi Mkwawa, Erasto Andrew Mbwana Mang’enya, Pius Msekwa, Samuel John Sitta, Anna Makinda, Job Ndugai, ndetse na Dr. Tulia Ackson.
Bagabo John
