Nigeria: Umugabo witwa Abdullah A Abdullah, yatse gatanya nyuma y'iminsi ibiri akoze ubukwe bitewe n'uko Nyirabukwe yarwanye n'Umukazana bapfuye ibyo kurya ku munsi w'ubukwe bwabo.
Chief Editor
Intandaro y'amakimbirane yatumye umukazana na nyirabukwe barwana bapfuye ibyo kurya, byaturutse ku ruhande rw'umukazana wari wavuze ko ibiryo byateguriwe umuryango we gusa.
Nyirabukwe yabwiye umukazana ko bitaba byiza abantu bakoze urugendo bakaza mu bukwe hanyuma bakagenda batariye kandi ibiryo bihari, uwo mukazana yahise abitera utwatsi yanga ko kuruhande rwa nyirabukwe barugaburira.
Umukazana na Nyirabukwe bapfuye ibyo kurya ku munsi w'ubukwe bwabo
Nyirabukwe yahise afata isahani ajya kwarurira abo barikumwe, hanyuma umukazana ahita ahaguruka aragenda amushikuza iyo sahani yariho ibiryo amaze ku byarura. Imvururu zahise zitangira ubwo bahita bafatana mu mashati na nyirabukwe abantu barabakiza.
Nyuma y'iminsi ibiri ubukwe buvuyemo nibwo uwo mugabo Abdullah A bdullah yahise ajya mu rukiko kwaka gatanya kumpamvu yagaragarije urukiko yuko Umugore we nta kinyabupfura afite.
Bagabo John
