Ku wa 16 Ukwakira 2025, Umwanditsi Mukuru w’Urukiko Mpuzamahanga Rwasigaye ku Rwanya Jenoside yabereye muri Sierra Leone (R-SCSL), Binta Mansaray, ari kumwe n’Umuyobozi Mukuru Wungirije w’Urwego rw’Igihugu rushinzwe Imfungwa n’Abagororwa (RCS), DCG Rose Muhisoni, basuye igororero rya Nyarugenge iherereye mu Murenge wa Mageragere, Umujyi wa Kigali.
Chief Editor 
Abashyitsi basobanuriwe umushinga wa E-Huza, uha imfungwa uburyo bwo kugumana umubano n’imiryango yabo.
Uru ruzinduko rwibanze cyane ku bikorwa bigamije kugorora imfungwa, birimo serivisi yo guhamagara hifashishijwe ikoranabuhanga ryiswe E-Huza, rifasha imfungwa kuguma bavugana n’imiryango yabo.
Abashyitsi banasuye ikigo cyita ku bana b’impinja aho bahabwa ubufasha bukenewe mu buzima bwabo bwa buri munsi.
Uru ruzinduko rwanabaye umwanya wo gusura ikigo cyita ku bana b’abagororwa muri iri igororero aho aba bana bahabwa ibitabo n’uburere bikwiye mu buryo buboneye.
Uru ruzinduko rugaragaza ubufatanye bukomeje hagati y’Urukiko Mpuzamahanga Rwasigaye ku Rwanya Jenoside yabereye muri Sierra Leone (R-SCSL) n’Urwego rw’Igihugu rushinzwe Imfungwa n’Abagororwa (RCS), by’umwihariko mu guteza imbere ibikorwa bigamije kugorora abagororwa no kubafata mu buryo bubaha uburenganzira bwa muntu.
Madamu Binta Mansaray yagaragaje ko yanyuzwe n’uko abagororwa bafatwa mu Rwanda, ashimira Urwego rw’Igihugu rushinzwe Imfungwa n’Abagororwa ku bw’umwuga n’ubwitange rugaragaza mu bikorwa bigamije kugorora abagororwa no kubafasha gusubira mu buzima busanzwe.
Source RCS
