Tanzania: Perezida Hassan Samia Suluhu kuri uyu wa gatatu tariki ya 5 Nyakanga 2023 yashyizeho Minisiteri nshya zinahabwa Abaminisitiri
Chief Editor 
Nkuko itangazo ryaturutse mu biro by'Umukuru w'Igihugu ribivuga, Perezida Samia yashyizeho Minisiteri nshya zinahabwa ba Minisitiri.
Dore uko itangazo risohotse ribivuga.
Muri izo mpinduka, Perezida Samia yashenye Minisiteri y’Imari n’Igenamigambi maze ashyiraho Minisiteri y’Imari gusa ihabwa Dr. Mwigulu Nchemba ku yibera Minisitiri w'Imari.
Uyu Dr. Mwigulu yari Minisitiri w’Imari n’Igenamigambi. izi mpinduka zatangajwe kuri uyu wa gatatu tariki 5 Nyakanga 2023 n’umuyobozi ushinzwe itumanaho mu biro by'Umukuruw'Igihugu.
Iri tangazo rivuga kandi ko Perezida yashyizeho Minisiteri y’inganda n’ubucuruzi ihabwa kuyoborwa n'uwahoze ari Minisitiri w’ishoramari, inganda n’ubucuruzi, Dr. Ashatu Kijaji.
Muzindi mpinduka PerezidaSamia yashyizeho Laurence Mafuru nk'umunyamabanga nshingwabikorwa wa komisiyo y'igihugu ishinzwe igenamigambi.
Mbere yo gushyirwaho, Mafuru yari umunyamabanga mukuru wungirije muri Minisiteri y’imari n’igenamigambi (imicungire y’ubukungu). Yashyizeho kandi Eliya Mwandumbya usanzwe ari n'umudepite kuba Umunyamabanga mukuru muri Minisiteri y’Imari (imicungire y’ubukungu), mbere y’ishyirwaho, Mwandumbya yari Komiseri,w'ishami rishinzwe gusesengura politiki, muri Minisiteri y’Imari n’Igenamigambi.
Bagabo John
