Abashakashatsi bamuritse icyumba gishya cyateguwe ku buryo umuntu akimaramo amasegonda 12 gusa, ariko kikagira uruhare rukomeye mu kugabanya umunaniro ukabije wo mu mutwe. Iki cyumba cyakozwe hagamijwe gutanga umwanya wo kurekura amarangamutima no gusohora umubabaro binyuze mu kurira cyangwa gutaka, bizwi nka “screaming therapy.”
Chief Editor 
Icyumba cyo kuririra no gutaka” mu masegonda 12: Uburyo bushya bwo kuruhura ubwonko no kongera imbaraga – Nk’uko bisobanurwa n’inzobere mu by’ubuzima bwo mu mutwe.
Umuhanga mu by'imitekerereze yo mu mutwe Milly Ann Anyango, avuga ko igihe umuntu ari mu cyumba cyihariye cyo gutaka cyangwa kurira, abasha kuruhuka mu mutwe ndetse akanasohokamo yiyumva neza, afite imbaraga nshya.
"Rimwe na rimwe mu buzima duhura n’ibibazo bikomeye ushobora kuba wabuze umuntu ukunda, cyangwa uri gucamo ibihe bikomeye. Icyumba nk’iki kigufasha gusohora amarangamutima wabitse igihe kirekire.
"Iyo winjiye muri icyo cyumba, ubanza gusobanurirwa ko ari ahantu hizewe, hatariho gucira abandi imanza. Aha wemerewe gutaka cyangwa kurira amasegonda 12 uko ubishoboye, hanyuma ugasohokamo wiyumva neza kandi ufite imbaraga nshya."
Ubu ni bumwe mu buryo bwo gufasha abantu guhangana n’umunaniro uhoraho intimba no kwiheba.
Bagabo John
