Kuri uyu wa 29 Kamena 2026 Umuyobozi w'akarere ka Kirehe Rangira Bruno yayoboye igikorwa cyo guhemba imidugudu, utugari n'imirenge ntangarugero byahize ibindi mu Karere aho bashyize mu bikorwa gahunda z'igihugu, hagendewe ku bipimo byemeranyijweho abibutsa ko ari umuco mwiza wo gukorera ku ntego mu byo bakora.
Chief Editor 
Mu isuzuma riheruka ry'imihigo n'imikorere, hatangajwe imidugudu itatu, utugari dutatu n'imirenge itatu byitwaye neza kurusha ibindi mu Karere ka Kirehe.
Mu gikorwa cyo gutangaza ibyavuye mu isuzuma ryakorewe imidugudu, utugari n'Imirenge harebwe uko izo nzego zagize uruhare mu kwesa umuhigo wa Ntangarugero 2025-2026. Nyuma yo gutangaza abahize abandi bahawe igihembo cya Certifate y’ishimwe n’ibindi bihembo bateganyirijwe.
Mu cyiciro cy'imidugudu, uwa Mugisenyi II wo mu Kagari ka Rwanteru mu Murenge wa Kigina, Nyarutunga wo mu Kagari ka Nyarutunga mu Murenge wa Nyarubuye, na Kigende wo mu Kagari ka Cyanya mu Murenge wa Kigarama ni yo yahize iyindi.
Mu cyiciro cy'utugari, Nyagasenyi two mu Murenge wa Gahara, Kagese two mu Murenge wa Nasho, na Bisagara two mu Murenge wa Mushikiri ni two twabaye indashyikirwa.
Ku rwego rw'imirenge, Musaza, Mahama na Kigina ni yo yegukanye imyanya ya mbere, ihiga indi mu bikorwa byasuzumwe.
Bagabo John
