Kuri uyu wakabiri tariki ya 23 Kamena 20226, ku Cyicaro Gikuru cya Polisi y’u Rwanda giherereye i Kacyiru, hatangijwe Inama ya 14 ihuza abapolisikazi b'u Rwanda bo mu nzego zitandukanye .
Chief Editor 
Iyi nama izamara iminsi ibiri, ikaba yitabiriwe n’abagore bakorera muri Polisi y’u Rwanda baturutse mu mashami n’imitwe inyuranye y’akazi.
Intego yayo ni ugusuzumira hamwe uruhare rw’umugore mu kazi ka polisi no gushaka uburyo bwo kurushaho kurwongerera imbaraga kugira ngo batange umusanzu ufatika mu kubungabunga umutekano n’ituze ry’abaturage.
Insanganyamatsiko y’iyi nama igira iti: “Empowered to serve: women in policing”, bishatse kuvuga ko abagore bahawe ubushobozi bubafasha kurushaho gukora neza inshingano zabo mu rwego rwa polisi.
Abitabiriye iyi nama baraganira ku buryo bwo gukomeza guteza imbere uruhare rw’abapolisikazi mu kazi ka buri munsi, gusangira ubunararibonye ndetse no kurebera hamwe ingamba zafasha abagore gukomeza kugira ijambo rikomeye mu bikorwa byo gucunga umutekano no gutanga serivisi nziza ku baturage.
Iyi nama kandi itegerejweho gutanga umwanya wo kungurana ibitekerezo ku bibazo n’imbogamizi abagore bakorera muri polisi bahura na byo, hagamijwe gushimangira ihame ry’uburinganire n’ubwuzuzanye mu nzego z’umutekano, no guteza imbere ubushobozi bwabo mu nshingano zitandukanye za kinyamwuga.
Bagabo John
